گێڕانەوەیەک سەبارەت بە لوڕی

دۆستێک گێڕایەوە ووتی: کوڕێکی گەنجی خزمیان لە خۆرمووای لوڕستان، لە سەرەتای شۆرشی ئێراندا چووبوو بۆ ئەمریکا و دووای چەند دەیە مانەوە لە ئەمریکا گەڕایەوە بۆ ووڵات.  یەکەم بەیانی کە لە خەو هەڵدەستێ و دەیەوێ بچێتە دەرەوە، روودەکاتە دایکی و دەڵێ: گۆرەمی یام هان کوجا؟

دایکی کە لە رۆژی گەیشتنەوەی کوڕەکەیەوە لەبەر زۆریی میوان و خزم و کەسوکار دەرفەتی نەبوو ئامۆژگاریی کوڕەکەی بکات، لەم دەرفەتە کەڵک وەردەگرێت و دەڵێ:  ئێستا ئیدی وەک جاران نییە لەم شاری خۆرمووایەی ئێمە هیچکەس لەم جۆرە واژانە بەکارناهێنێ.  

هیچکەس ناڵێ گۆرەمی،

دەڵێن جووراب یا جووراو.  

هیچکەس ناڵێ دەوری،

 دەڵێن بوشقاب.

هیچکەس ناڵێ زنهاڵوو،

 دەڵێن زەندائی.

هیچکەس ناڵێ کاڵە،

دەڵێن کەفش.

هیچکەس ناڵێ ئسپی،

 دەڵێن سفید و …

 

 Gêrraneweyek sebaret be Lurrî

Dostêk gêrrayewe witî: kurrêkî gencî xizimiyan le xormuway Lurristan, le seretay şorişî Îran da çûbû bo Emerîka û duway çend deye manewe le Emerîka gerrayewe bo willat.  Yekem beyanî ke le xew helldestê û deyewê biçête derewe, rûdekate dayikî û dellê: Goremî yam han kuca?

Dayikî ke le rojî geyşitinewey kurrekeyewe leber zorîy mîwan û xizim û kesukar derfetî nebû amojgarîy kurrekey bikat, lem derfete kellk werdegrêt û dellê:  Êsta îdî wek caran nîye lem şarî Xormuwayey ême da hîç kes lem core wajane bekar nahênê.  

Hîç kes nallê Goremî,

dellên Cûrab ya Cûraw.  

Hîç kes nallê Dewrî,

dellên Buşqab.

Hîç kes nallê Zinhallû,

 dellên Zendayî.

Hîç kes nallê Kalle,

dellên Kefş.

Hîç kes nallê Ispî,

 dellên Sêfîd û …