سکەنجەڤین

سکەنجەڤین و کاهوو

سکەنجەمین، سکەنجەوین، سکەنجەڤین، ئەسکەنجەڤین، جۆرە نۆشاوەیەکی خەستی دێرینە لە ئێران و کوردستان کە زۆرتر لە وەرزی هاوین و پاییزدا بەکاردەهێنرێت.  بە ئاوێتەکردنی سرکە و هەنگوین دروست دەکرێت.  زۆر جار جاترە یا ئاوتکی جاترەی تێدەکرێت تا بۆنی خۆش بێت.  ووشەی سکەنجەبین عەرەبێندراوی سرکە و ئەنگبین\هەنگڤینە.  زۆر شێواز هەیە بۆ دروسکردنی سکەنجەڤین.  لێرەدا بۆ نموونە شێوازێک دەخەینە بەر چاو.

دوو پێوانە سرکەی ترێ لەگەڵ پێنج پێوانە هەنگوینی سروشتی تێکەڵدەکرێت و چوار پێوانەیش ئاوی بێ کلۆری تێدەکرێت و دەکوڵێندرێت، تا کەمێک خەست دەبێتەوە.  ئاوتکی جاترە یا جاترەی تەڕ و تازەی تێدەکرێت؛ و پاشان ئەو کەفەی دەکەوێتە سەری بە کەفگیر فڕێدەدرێت و سار ددەکرێتەوە بۆ خواردن.  لە کوردەواریدا کاهوو لەگەڵ سەکەنجەڤین دەخورێت.  ووتەیەکی باوە کە دەڵێن کاهوو سەوزەیەکی بێبۆن و چێژە.  کاهوو واتە وەکوو کا بێتام و بۆنە.  بۆ ئەوەی چێژێکی خۆشی پێبدرێت دەژەنرێتە نێو سکەنجەبینەوە و دەخورێت.

 ساڵانی زوو نوکته‌یه‌ک له‌ ناوچه‌ی مه‌هاباد هه‌بوو.  ده‌یانگوت مه‌هابادی به‌ لادێییه‌کان ده‌ڵێن ئێوه‌ نان و موو ده‌خۆن.  مه‌به‌ستیان ئه‌مه‌ بوو که‌ په‌نیر و به‌رهه‌مه‌کانیان پڕن له‌ مووی په‌ز و مانگا.  لادێییه‌کانیش به‌ مه‌هابادییه‌کانیان ده‌گوت ئێوه‌ نان و گوو ده‌خۆن.  مه‌به‌ستیان ئه‌مه‌ بوو که‌ کاهوووه‌که‌یان هه‌موو به‌ ئاوی زێرابه‌کان گه‌وره‌ ده‌بێت و پێ ده‌گات.

 

Sikencevîn

Sikencemîn, sikencewîn, sikencevîn, Eskencevîn, core noşaweyekî xestî dêrîne le Îran û Kurdistan ke zortir le werzî hawîn û payîz da bekar dehênrêt.  Be awête kirdinî sirke û hengwîn dirust dekrêt.  Zor car catire ya awtikî catirey tê dekrêt ta bonî xoş bêt.  Wişey Sikencebîn Erebêndrawî sirke û engbîn\hengvîne.  Zor şêwaz heye bo dirust kirdinî Sikencevîn.  Lêre da bo nimûne şêwazêk dexrête ber çaw.

Dû pêwane sirkey tirê legell pênc pêwane hengwînî siruşitî têkell dekrêt û çuwar pêwaneyiş awî bê kilorî tê dekrêt û dekullêndrêt, ta kemêk xest debêtewe.  Awtikî catire ya catirey terr û tazey tê dekrêt; û paşan ew kefey dekewête serî be kefgîr firrê dedrêt û sard dekrêtewe bo xwardin.  Le Kurdewarî da kahû legell Sikencevîn dexurêt.  Witeyekî bawe ke dellên kahû sewzeyekî bê bon û çêje.  Kahû wate wekû ka bêtam û bone.  Bo eweyi çêjêkî xoşî pê bidrêt dejenrête nêw Sikencebînewe û dexurêt.

Sallanî zû nukteyek le nawçey Mehabad hebû.  Deyangut Mehabadî be ladêyîekan dellên êwe nan û mû dexon.  Mebestyan eme bû ke penîr û berhemekanyan pirrin le mûy pez û manga.  Ladêyîekanîş be Mehabadîyekanyan degut êwe nan u gû dexon.  Mebestyan eme bû ke kahûwekeyan hemû be awî zêrabekan gewre debêt û pê degat.