زراو \ زاور

ئەندامێکی لەشی مرۆڤە کە ماددەیەکی ئەسیدی تێدایە. تەکووزی لەش لە هەرس کردنی خۆراک دا ئەم ماددە ئەسیدییە بەکار دەهێنێت کە پێی دەگوترێت زەرداو.

زراو لە ئاخاوتنی رۆژانەیش دا بە واتای ترسی زۆر بەکاردەهێنرێت. نموونە: بوومەلێڵ بوو، بەفرێکی ئەستوور کەوتبوو، لە ناکاو گورگێک هاتە سەر رێگام، هەر بە جارێک زراوم چوو!

زراو لە لوڕیدا دەبێتە زەلە یا زەهلە. کە واتای غیرەت و بوێری دەدات. وەک دەڵێن (زەهلەم نەبی) واتە غیرەتم نەبوو یا نەموێرا. هەروەها لە سۆرانیدا زەهلە و زیلکیش بەکار دەهێنرێت وەک دەڵێن زەهلەم چوو! زیلکم چوو! یا زیلکم رژا! واتە زۆر زۆر ترسام. بەڵام خوێندەوارەکان چونکە لە رەگ و ریشەی ناگەن، لە نووسین دا بەکاری ناهێنن.

زەهلە یا زەلە دەشێ هاوڕیشە بێ لەگەڵ زەرە، زەردە، زەرداو ، زراو و زاور.

Ziraw / Zawir

Endamêkî leşî mirove ke maddeyekî esîdî têdaye. Tekûzî leş le heris kirdinî xorak da em madde esîdîye bekar dehênêt ke pêy degutrêt zerdaw.

Ziraw le axawtinî rojaneyiş da be watay tirsî zor bekar dehênrêt.  Nimûne:  Bûmelêll bû, befrêkî estûr kewtibû, le nakaw gurgêk hate ser rêgam, her be carêk  zirawm çû!

Ziraw le Lurrî da debête zele ya zehle.  Ke watay xîret û biwêrî dedat.  Wek dellên (zehlem nebî) wate xîretim nebû ya nemwêra.  Herweha le Soranî da  zehle û zîlk îş bekar dehênrêt wek dellên Zehlem çû!  Zîlkim çû! Ya zîlkim rija!  Wate zor zor tirsam.  Bellam xwêndewarekan çunke le reg û rîşey nagen, le nûsîn da bekarî nahênin.  

Zehle ya zele deşê hawrrîşe bê legell zere, zerde, zerdaw , ziraw û zawir.